श्री केदारेश्वर मंदिर, शिरवळ ( जि. सातारा ) / Shri Kedareshwar Temple, Shirwal ( Dist. Satara )

श्री केदारेश्वर मंदिर, शिरवळ ( जि. सातारा )

शिरवळ मध्ये प्राचीन काळात बांधलेले हे सुंदर मंदिर. पुणे-सातारा मुख्य हायावे पासून अगदी जवळ आहे. मंदिरासमोर पुष्करणी तलाव आहे. हा तलाव शापित आहे, असं एक दंतकथा सुद्धा आहे. १५ फूट तटबंदी असलेल्या मंदिराच्या मुख्य दरवाजामधून आत प्रवेश केला असता अगदी समोर नंदी सभामंडप आहे. डावीकडे उंच अष्टकोनी रेखीव दिपमाळ लक्ष वेधून घेते. शेजारी विठ्ठल-रखुमाई मंदिर आणि तुळशी वृंदावन आहे. उजव्या बाजूला मारुती मंदिर आणि तुळशी वृंदावन आहे. मुख्य कमानीच्या आतील बाजूस श्री गणेश आणि रिद्धी सिद्धी यांच्या मूर्ती आहेत. मंदिराच्या दगडी बांधकामावर आता रंगकाम झाले आहे. मंदिराची डागडुजी वेळेवर होते. मध्यभागी मोठी घंटा बसवली गेली आहे. बाहेरच्या सभामंडपात लाकडी खांबांनी आधार देऊन त्याला सुशोभित करण्यात आलेय. मध्य सभामंडपामध्ये दगडी खांब खूप सुंदर आहेत. आतील गर्भगृहामध्ये शिवपिंड विराजमान आहे. या मंदिराच्या आवारात आणि मंदिराच्या शिखरावर बरेच शिल्पकाम झालेय. यामध्ये श्री शेषशायी विष्णू , शिवशंकर पार्वती , गरुडदेव आणि देवदेवता यांच्या मूर्ती नंदी मंडपाच्या शिखरावर आहेत. आतमध्ये नागशिल्प आणि नंदी. मंदिराच्या खांबावर भारवाहक नाग, शरभ शिल्पे आणि कमळशिल्पे मंदिराच्या भिंतीवर आहेत. मंदिराच्या शिखरावर पण बरीच शिल्पे आहेत. मंदिराच्या वरच्या बाजूला चार मिनार आहेत. मंदिराचा परिसर शांत आणि सुंदर आहे. मंदिराच्या आवारत समाधी चौथरे पाहायला मिळतात.

मंदिराचा उपयुक्त माहिती दिल्याबद्दल अभिषेक यादव यांचा मी आभार व्यक्त करतो. मंदिर पाहत असताना मंदिराचे पुजारी गुरव काका, देशपांडे वाड्याचे मालक देशपांडे काका आणि तिथली रहिवासी पियुषा यांची मोलाची मदत झाली.

@TRAVELWALA.CHORA

Comments

बुधवार पेठ , पुणे / Budhwar Peth, Pune

बुधवार पेठेचा इतिहास , पुणे सन १७०३ मध्ये औरंगजेबाने ही पेठ वसवली. औरंगजेब जेव्हा महाराष्ट्राच्या स्वारीवर होता त्यावेळेस त्याच्या सैन्याचा मुक्काम येथे होता. मुही उत मिलत नावाचा औरंगजेबाचा एक नातू पुण्यात मेला होता त्याच्या स्मरणार्थ म्हणून या पेठेचे नाव औरंगजेबाने मुहीयाबाद असे ठेवले होते. पुण्याचे नाव सुद्धा याच काळात बदलून मुहीयाबाद ठेवण्यात आले. पुढे माधवराव पेशव्यांच्या काळात साधारण सन १७६१ च्या दरम्यान गोविंद श्रीराम खासगीवाले यांच्याकडे या पेठेचे शेटेपण आले आणि त्यांनी या पेठेची पुनर्रचना केली. रस्त्यांचे रुंदीकरण आणि व्यापारी वर्गाला प्रोत्साहन देणे ही कामे खासगीवाले यांनी केली त्यामुळे अल्पावधीतच पुण्यातील एक महत्वाचे व्यापारी केंद्र म्हणून ही पेठ उदयाला आली. पुढे दुसऱ्या बाजीरावाच्या काळात बुधवार वाडा या पेठेत बांधण्यात आला. नाना फडणीस यांनी बेलबागेत विष्णू मंदिर बांधले. मंदिरांचा मोठा समूह असणारी तुळशीबाग, कोतवाल चावडी आणि तांबडी जोगेश्वरी मंदिर अशी अनेक बांधकामे येथे झाली. सन १७९५ मध्ये प्रसिद्ध तुळशीबाग मंदिराचे बांधकाम पूर्ण झाले. जवळ ज...

सरदार शितोळे वाडा ( कसबा पेठ, पुणे ) / Sardar Shitole Wada ( Kasba Peth, Pune )

सरदार शितोळे वाडा ( कसबा पेठ, पुणे ) या ऐतिहासिक वास्तूचे मूळ मालका राजा राजेंद्र शितोळराजा या सिसोदिया राजघराण्यातील वंशज आहेत. हे घराणे सुमारे बाराशे वर्षापूर्वी उत्तरेकडून येऊन स्थानिक झालेत, अनेक शतके त्यांची देशमुखीचे अखंडित हक्क होते. पुणे परिसरातील पाषाण, लवळे, हडपसर, वानवडी, मांजरी, मोशी यासारख्या सुमारे साडेतीनशे गावांचे ते इनामदार होते. आज २१ व्या शतकात देखील त्या-त्या गावातून जमिनींचे मालक म्हणून शितोळे देशमुखांच्या नोंदी आळतात. पुण्याचा शनिवारवाड्या खालचं भूखंड , ही सरदार शितोळे देशमुखांची शेतजमीन होती. शनिवारवाडा बांधण्यासाठी पेशव्यांना हा भूखंड शितोळे सरकारांनी दिला होता, त्याच्या मोबदल्यात पेशव्यांकडून त्यांना बाणेर व जवळार्जुन येथील जामिनी देण्यात आल्या. पुढे सरदार शितोळे यांच्या जहागिरी मध्यप्रदेशातील होशंगाबाद, शहाजाबाद, खंडवा, सोनपत, पानिपत, नरवर , उज्जैन, गवाल्हेर इत्यादी जिल्ह्यात आणि महाराष्ट्रातील सातारा, पुणे, अहमदनगर, नाशिक या जिल्हयाबरोबरच खानदेशापर्यंत विस्तारल्या होत्या. या घराण्यातील व्यक्तीला या वास्तूत नरसिंहाचा दृष्टांत झाला होता. अर्थात नरस...

Mahadev Kashinath Gokhale / महादेव काशिनाथ गोखले

महादेव काशिनाथ गोखले पुण्याच्या पेठांमध्ये असले अचाट भिडू राहून गेले आहेत की आज त्यांचे किस्से सांगितले तर लोकांना ते दंतकथा वाटतात. असेच एक आजोबा पेरूगेट पोलीस चौकीजवळ साठ वर्ष पेपर विकायचे. टिपिकल पांढरा शर्ट, चड्डी, तोंडावर कधी एकदा तुमचा अपमान करू असे भाव, काटक शरीर. आता त्यांचं वैशिष्ठ्य काय अस तुम्ही विचाराल तर त्याची लाईन खूप मोठी आहे, ऐकून तुम्हाला दम भरेल. नाव महादेव काशिनाथ गोखले , जन्म १९०७ साली झाला असावा. राहायला सदाशिव पेठ पुणे. शिक्षण- चौथी व्यवसाय- बुक बाइंडीग आणि वर्तमानपत्र विकणे, छंद- अचाट गोष्टी करणे. आता परवा पर्यंत म्हणजे २०१० पर्यंत ते भरतनाट्यमंदिर जवळच्या एका छोट्याशा दुकानात ते दिसायचे. म्हणजे काय तर टिळकांच्या काळापासून ते मनमोहनसिंग यांचा काळ त्यांनी जवळून पाहिला. महादेव गोखलेंना बाबुराव म्हणून ओळखत. तर हे बाबुराव रोज पहाटे 3.३० वाजता उठायचे. पेरूगेटजवळच्या आपल्या घरापासून धावायला सुरु करायचे ते थेट कात्रजमार्गे खेड-शिवापूर, तिथून डायरेक्ट सिंहगड मग परत खडकवासला मार्गे पुण्यात पेरूगेटच्या दुकानात ९च्या ठोक्याला हजर. हा दिनक्रम वयाच्या ...

TRAVELWALA CHORA

Search This Blog